每逢秋冬香港都會有賞紅葉潮，適逢宅男奴奴未去過就應了Michael的約，拉埋今次旅行的安迪一齊去。(點解Michael唔去日本？因為人家還是Year 1的小朋友嗎，邊得來咁多錢呢？)
相約10:00大圍出發，經吐露港同新建的粉嶺公路單車徑，於1:00抵達上水，轉新田公路元朗之前先繞到羅湖邊境的羅太豆品廠吃碗豆腐花。
豆腐花不是特別好食，只是$10吃到飽，只要你付$10，伙記會向你送上一個碗，拿著碗可以隨便吃豆腐花和斟飲豆漿。
(兩位大俠，奴奴先飲為敬！XD)
咁抵？無錯就係咁抵，入去車費都唔只啦，可惜我地踩住車入去，一個仙都唔駛出，哈！
嗨，貓！
望咩望！
之後經古洞落新田公路，大貨車依舊的多，有相都不敢拿電話出來拍。下一張相已是在到了元朗大棠村的時候拍的了，中間我們到了元朗市中心吃肥牛豬排飯。
紅葉位於山上的大棠山道，旺季加上周末的關係來賞紅葉的人超多！
終於看到一兩棵楓樹！
來張Selfie~
聽說行入少少多點紅葉，不過真的好多人。
果真多了幾棵，但對比起及後的日本櫻花之旅就會發現香港人其實好可憐......
為住零丁幾棵楓樹搞到人逼人，做乜勁呢？
行程 (Place travelled)：大圍 > 上水 > 羅太豆腐花 > 新田 > 元朗市中心 > 大棠村 > 大棠山道 > 朗屏站
是日行程 (Distance travelled)：55.1 km
沒有留言:
張貼留言